Paano papawiin ang pangungulila?
ni Jenny Linares
Sept 19, 2012
Lumuluha ang langit,
maingay, walang humpay
tahimik lamang ako
hinahayaang ang langit
ang lumuha para sa akin
Hindi dapat lumuluha
ang tulad kong maligaya
Hindi dapat lumuluha
ang tulad kong nagmamahal
Ngunit…
ako’y
higit pa sa nasasabik
palagi’t palagi
hinahanap ka ng puso ko,
hinahangad kong masilayan kang muli,
mahaplos ang iyong maamong mukha,
mahagkan ang iyong mga labi,
madama ang init ng iyong yakap
na puno ng pag-ibig…
hinahangad kong
makapiling ka,
kahit sandali…
Ngunit….
Paano?
Paano?
Paano ko mapipigil
ang pusong ibigin ka
nang
husto?
Mahal ko,
paano ko papawiin
ang pangungulila sa iyo?
Ang site na ito ay para sa mga blog ng mga mag-aaral ng Master of Arts Major in Filipino ng Pamantasang De La Salle Dasmarinas. Mababasa mula rito ang mga blog hinggil sa iba't ibang isyu sa larangan ng Wika, Panitikan, Linggwistiks, at iba pang kaugnay sa pag-aaral ng Filipino. Maaari ring magsulat dito ng personal na pananaw ang mga miyembro, ngunit hindi nito nirerepresenta ang pananaw ng buong grupong MA Filipino.
Walang komento:
Mag-post ng isang Komento